Auður

Hestar!

Thu, 10 May 2007 18:19:16 GMT

Já, það er margt sem gerist í "sveitinni" sem gerist ekki annars staðar. Í gærkveldi sat ég í makindum upp í sófa. Það er svosum ekki frásögu færandi nema hvað allt í einu heyrði ég hófatak. Ég áttaði mig ekki fyrr en Berglind öskraði "hestar!!" og ég hrökk upp og sá ca. 5-6 hesta tölta niður Dísarásinn og upp næstu götu. Mjög undarlegt verð ég að segja og frekar fyndið. Þeim hefur örugglega leiðst í hesthúsunum og ákveðið að kíkja í bæinn!

Jahá, það er gott að búa í Árbænum :D

Hola

Sun, 04 Mar 2007 21:29:17 GMT

Þá held ég að sé kominn tími á nýja bloggfærslu! Kennsluhlésvika Hugvísindadeildar var í síðustu viku og að þessu sinni var ég bara frekar öflug í lærdóminum. Ég vildi að þessi vika væri svona helmingi lengri, það er svo mikið sem maður þarf að gera! Árshátið íslenskunema er svo næsta föstudag....hlakka til :)

Ég og Ásdís erum á leið til Spánar í viku í júní :) Við erum á leið til höfuðstaðsins, Madrídar, þar sem ég dvaldi eitt sumar. Ég er mjög spennt, enda er þetta uppáhaldsborgin mín. Nokkrum dögum áður verð ég svo stödd í Færeyjum með íslenskunemum. Það verður ekki síður skemmtilegt :D

Um daginn vorum við Jón Pétur rosalega menningarleg og fórum á Sinfóníuna. Þetta var ágætt þótt ég hafi ekki þekkt neitt einasta lag. Eftir hlé var hvert lag ca. 10 mínútna langt og augnlokin voru orðin ansi þung í lokin. En þetta var fín tilbreyting frá bíóferðum og videoglápi. Fyrir þá sem hafa aldrei farið á Sinfóníutónleika og hafa áhuga á því myndi ég fara á vef Sinfóníunnar og skrá mig á ´fyrsti konsert frír´. Slóðin er: http://www.sinfonia.is/. Ég skráði mig allavega og fékk miða á þessa tónleika.

Ég rakst á þessa síðu: http://www.gutenberg.org/files/16696/16696-0.txt. Ég mæli með að fólk kíki á hana. Þetta er leiðarvísir í ástarmálum fyrir ungar stúlkur frá árinu 1922. Margt bráðskemmtilegt þarna á ferðinni. T.d. er verið að fjalla um hvernig röddin á að vera, brosið, göngulagið, klæðaburðurinn ofl. Þarna stendur m.a. "Þú skal eigi ganga á hælaháum stígvélum; þau skekkja og afskræma líkama þinn" og "þú mátt aldrei biðja karlmann að gefa þér sælgæti". Þarna stendur líka: "það sæmir eigi konum að kaupa tóbak í búðum og áfengi getur engin kona verið þekt fyrir að kaupa". Þá vitið þið það stelpur! Ef ef þið viljið reyna að ná í einhvern pilt þá bara farið þið eftir þessum leiðarvísi ;) Ætli hann sé eitthvað úreltur?

Svo er Ásdís tvibbi bara orðin gífurlega öflug í blogginu. Hún er komin með nýja síðu og slóðin er: http://disa1337.wordpress.com/

Bless í bili

Zzzz.....

Tue, 16 Jan 2007 20:36:27 GMT

Gleðilegt ár og takk fyrir það gamla! Þetta var nú ansi ljúft jólafrí sem ég fékk. Ég var ekki að vinna eða neitt og byrjaði svo aftur í skólanum 11. janúar. Skólinn er þannig séð kominn á fullt þótt ég sé ekki búin að ákveða alveg námskeiðin mín. Ég er komin með BA verkefni og felst það í að greina handrit, það verður spennandi!

Þessar zetur fyrir ofan eru ekki merki um þreytu eða svefn heldur var ég að lesa frétt á mbl.is: http://www.mbl.is/mm/frettir/innlent/frett.html?nid=1247431 Það er gaman að fólk er farið að taka upp zetuna á ný þótt betra sé að gæta samræmis.....

Adiós

Gleðileg jól!

Fri, 29 Dec 2006 03:07:34 GMT

Gleðileg jól :)

Leti hefur valdið bloggleysi síðustu daga og afsakast hér með......

Vonandi hafa allir haft það gott um jólin....ég hef allavega haft það mjög fínt, algjör sæla að vera ekki að gera neitt og liggja bara með tærnar upp í loftið. Það helsta sem ég hef afrekað síðustu daga er að klára púsl sem við fjölskyldan fengum í jólagjöf frá turtildúfunum Ásdísi og Tryggva. Snilldarpúsl :D

Ég segi svo bara gleðilegt ár ef ég læt ekkert í mér heyra þangað til ;)

Desember!

Sat, 02 Dec 2006 15:10:50 GMT

Það er kominn desember! Ég er svo mikið jólabarn og er þess vegna alltaf voða ánægð þegar desember er kominn :) Það er svo gaman að heyra jólalögin í útvarpinu, baka piparkökur (sem ég gerði í fyrradag), gera laufabrauð (sem ég geri í næstu viku) og sjá allt jólaskrautið sem fólk setur upp og ég tala nú ekki um að skreyta hjá sjálfri mér. Ég er nú samt búin að ákveða að setja ekki skrautið upp fyrr en eftir fyrsta prófið sem er á miðvikudaginn. Eftir fyrsta prófið mitt líða 10 dagar í það næsta. Þá ætti ég að hafa smá tíma til að skreyta, búa til jólakort og kannski kíkja aðeins á jólagjafir. Ég er ekki frá því að jólapróf séu hluti af því að hlakka til jólanna. Ég hef ekki upplifað jól án þess að vera í prófum allan desember og þess vegna er allt í lagi að taka þau á þessum tíma. Það væri reyndar betra að vera búin aðeins fyrr. Ég hef yfirleitt verið búin 21. desember en í ár er ég búin 19. og munar það öllu :)

Ég prófaði Singstar um daginn með Ásdísi og Helgu Björk og var sá diskur ekki eins skemmtilegur og ég bjóst við en samt alveg ágætur. Ég var greinilega búin að gera mér of miklar væntingar. Hann er örugglega mjög skemmtilegur fyrir þá sem kunna öll lög í heiminum. Ég verð greinilega að fara að stúdera tónlist betur.

Ég gerðist foreldri í gær :D Ég veit ekki hvort ég fái einhvern tíma að sjá barnið eða vita hvar það er. Kannski býr það í Kenýu, Síerra Leóne eða bara Úkraínu. Hver veit?

Scanner darkly

Fri, 24 Nov 2006 13:39:39 GMT

Ég fór í bíó í gær! Myndin heitir Scanner darkly og þetta er ein undarlegasta mynd sem ég hef séð. Hún er leikin og það er teiknað yfir hana þannig hún verður í raun teiknimynd. Hún fjallar um eiturlyfjafíkla. Sem betur fer fékk Jón Pétur ókeypis bíómiða þannig hún kostaði ekki neitt. Ég hefði fengið samviskubit hefðum við borgað okkur inn á hana. Myndin er sýnd í sal fjögur í Háskólabíó og þetta er held ég önnur vikan sem hún er sýnd.....það segir mikið!

Ég var ekki búin að segja frá því að ég fór í afmæli Mímis fyrir viku (Mímir er nemendafélag íslenskufræðinema). Ég skemmti mér þvílíkt vel :) Þetta var svona öðruvísi skemmtun. Ég hef aldrei farið á svona samkomu með kennurunum og það var gaman að sjá þá í öðru ljósi. Þeir voru bara að spjalla og sumir stigu meira að segja dans :D

Ég er að fara í vísó í Bandaríska sendiráðið á eftir. Býst við að fara í gengumlýsingartæki og röntgenmyndatöku!

Dagur íslenskrar tungu!

Thu, 16 Nov 2006 14:54:33 GMT

Í tilefni dagsins langar mér að seigja nokkur orð. Það var sagt mér í gær að eftir nokkur ár mindu allir vera hættir að tala rétta og góða íslensku og bara íslensku yfir höfuð. Ég tók þessi orð með miklum fyrirvara enda finnst mér íslenskan alveg vera að meika það þessa dagana........ Ég bara ER ekki að skylja þessa umræðu um að íslenskan sé orðin eitthvað slæm! Kíkiði bara á bloggsíður krakka. Það sannast á þessum síðum að staða íslenskunnar hefur aldrei verið betri! Hvað með það þótt krakkar noti slettur úr ensku? Só vott? Það gera það allir. Anyways.....þá langar mér bara að hvetja ykkur til að framkvæma endurskoðun á íslenskunni ykkar og halda áfram að pæla í hvað íslenskan sé gegt kúl....

Æi ég er ekki að nenna að skrifa meira í dag ;)

Bæ bæ

Þú ert nr. 9

Fri, 03 Nov 2006 11:29:26 GMT

Til hamingju þú hefur unnið Singstar Legends!

Svona hljómaði sms-ið sem ég fékk í gærkvöldi strax eftir að ég hafði tekið þátt í sms leik sem var auglýstur hér á blog.central. Ég tek aldrei þátt í svona leikjum og var því ekki lítið ánægð að hafa unnið í fyrsta skiptið.

Málið er bara að ég á ekki Playstation!

Vill einhver lána mér??

Gæludýr

Mon, 23 Oct 2006 14:29:13 GMT

Ég hef eignast gæludýr! Ég veit reyndar ekki hversu mikið gæludýr þetta dýr er en það hefur allavega ákveðið að í herberginu mínu eigi það heima. Þetta tiltekna dýr er húsfluga. Hún er búin að vera í herberginu mínu í nokkra daga og heilsar mér alltaf þegar ég kem heim. Þegar ég er að læra sest hún á fingurinn minn og við lesum saman. Ég held að þessi fluga sé sú fróðasta um íslensk handrit! Ég hef ekki enn gefið þessari flugu nafn og kannski er bara ágætt að sleppa því þar sem ég veit ekki hve lengi hún lifir í viðbót.

Ég komst að því í gær að flugan mín er hrekkjótt. Henni tókst oftar en einu sinni að láta mér bregða. Hvort sem ég var í tölvunni eða að hátta mig, brá mér óskaplega að heyra suðið í henni þegar hún þeyttist fram hjá mér. Svo heyrði ég hana hlæja eftirá! 8|

Ég hef ekki séð fluguna í allan dag? Ætli hún sé ekki að fræða hinar flugurnar um bókagerð á Íslandi á miðöldum?

Nýjar myndir eru komnar á myndasíðuna frá Októberfest og innflutnings- og útskriftarpartí Tryggva.

Ísland....

Wed, 11 Oct 2006 20:39:05 GMT

....tapaði fyrir Svíum áðan í fótbolta! Það kemur svo sem ekkert á óvart en þeir stóðu sig bara þrusuvel. Bjóst allavega ekki alveg við svona góðum leik :) Maður á víst aldrei að vantreysta „strákunum okkar“ ;)

Hver ætlar ekki á Októberfest?

Haustið er komið...

Sun, 08 Oct 2006 15:14:18 GMT

Ég var búin að heita sjálfri mér því að láta ekki líða mánuð á milli færsla. Það er því ekki seinna vænna en að skrifa núna! Skólinn er kominn á fullt og eftir næstu viku er önnin hálfnuð. Ótrúlegt en satt. Það þýðir að kennsluhlésvikan er að nálgast en hún er alltaf á miðri önn. Í þeirri viku eru yfirleitt stærri verkefni sem við skilum í vikunni á eftir. Þessi vika líður alltaf hrikalega hratt (eins og allar vikurnar) og maður nær varla að byrja á neinu áður en hún er búin. Ég ætla þó ekki að láta það gerast núna ;)

Ég varð fyrir ansi skemmtilegri upplifun um daginn. Í Árnagarði (minni heimabyggingu) er stofnun kennd við Árna Magnússon. Dyrnar að þeirri stofnun hafa ávallt verið læstar og fyrir flestum ef ekki öllum BA nemendum virðast þær innihalda dularfullan leyndardóm. Allavega hefur mér alltaf fundist þessar dyr vera frekar fjarlægar og dularfullar og vanta bara miða sem á stendur „Snertið ekki“. En svo er ekki! Um daginn gekk ég inn um þessar dyr og það sem þar leyndist var ekki eins dularfullt og ég hélt. Við eyddum heillri kennslustund í þessari stofnun. Við sátum lengi inn í málstofunni og kennarinn fræddi okkur um stofnunina, sögu þess og handritin. Við gengum um ganginn sem var ósköp venjulegur og kíktum inn í hin ýmsu herbergi sem innihéldu m.a. lesstofur. Að lokum fórum við niður að hvelfingunni þar sem nokkur handritanna eru geymd. Við fengum að stinga nefinu inn en ekki fara lengra. Kennarinn sótti nokkur handrit og fór með þau upp til að skoða. Ég verð reyndar að viðurkenna að það var frekar spennandi að kíkja þarna inn. Eitt handritanna sem við skoðuðum var Grágásarhandrit frá miðri 13. öld! Mér fannst mjög merkilegt (og finnst enn) að hafa flett handritinu, fundið skinnið og rýnt í það. Æðislegt!! Mér fannst ég vera að snerta söguna. Mjög spennandi :)

Svo ég haldi nú mig við íslenskuna þá fór ég í haustferð með íslenskunemum fyrir viku. Ég hef alltaf vitað að íslenskunemar kunna að skemmta sér en í þessari ferð sannfærðist ég endanlega :) Við fórum til Stokkseyrar og skoðuðum veiðisafnið en þar eru uppstoppuð dýr m.a. frá Afríku. Spiluðum bjórbolta þar sem stelpurnar unnu strákana og fengum svo mjög góða humarsúpu á Fjöruborðinu. Svo var haldið í gleðskap í bænum. Mjög skemmtileg ferð í alla staði. Á föstudaginn fór ég svo í vísó í Landsvirkjun. Það var áhugavert en mér fannst sagnfræðinemar þó spyrja heldur mikið.

Myndir eru komnar inn frá haustferðinni og líka frá matarboði okkar Ásdísar í september.

Ég er byrjuð í utandeildinni í handbolta með Víking. Er einmitt að fara að spila á eftir. Það verður spennandi....

Svo mæli ég eindregið með nýja Baggalúts disknum ;)

Jæja!

Sun, 10 Sep 2006 19:26:30 GMT

Þá er kominn tími að láta frá sér heyra! Það er akkúrat mánuður síðan ég bloggaði seinast og er það bara alls ekki nógu gott. Ætli maður verði ekki duglegri núna þegar skólinn er byrjaður.

Ég byrjaði sem sagt í skólanum í síðustu viku. Þetta fer allt saman rólega af stað en verður meira að gera þegar líða fer á. Mér líst vel á þessa önn sem er að hefjast..... þessa næst síðustu önn mína í skólanum....vá hvað þetta er fljótt að líða :| Ég er bara í valfögum þessa önn og eru kúrsarnir allir skemmtilegir.....svo þarf maður bara að fara að hugsa um ritgerðarefni en ég ætla að skrifa hana á næstu önn...

Ég var að koma heim af sýningunni 3L EXPO í Egilshöllinni. Þar var margt áhugavert að skoða og prófa, t.d. smakkaði ég margs konar te, heilsudrykki og heilsukökur og mældur var blóðþrýstingurinn og blóðsykurinn. Ég fékk fullt af bæklingum og blöðum og fékk ýmsar prufur. Mér finnst þetta mjög sniðugt og vonandi verður þetta að árlegum viðburði.

Svo er mál mannanna. Auðvitað hann Magni „okkar“. Ég er búin að fylgjast með honum í Rockstar og finnst það skemmtilegt þótt ég sé sammála flest öllum Íslendingum með þessa blessuðu hljómsveit. Ég vona hans vegna að hann vinni þetta ekki, enda held ég að það muni ekki gerast. Mér finnst þau hin vera líklegri til að vinna. Fyndið hvað Íslendingar verða alltaf svo stoltir þegar einhver einn Íslendingur er að gera það gott í útlandinu. Við erum eitthvað svo skemmtilega hallærisleg :) Maður verður að halda áfram að vera hallærislega stoltur og horfa á lokaþáttinn næsta miðvikudag.....

Þótt ég sé ekki búin að vera mjög dugleg að blogga þá hef ég sett inn slatta af myndum á netið. Þær eru á myndasíðunni minni hér til hliðar. Myndirnar eru m.a. frá túristadegi okkar Ásdísar í júlí, frá heimsókn okkar málabekkjastelpna til Unnar Maríu í Borgarfjörðinn, menningarnótt og Þórsmerkurferð minni síðustu helgi.

Au revoir ;)

P.s. Það er loksins komin ný skoðanakönnun

Bloggleti

Thu, 10 Aug 2006 23:18:46 GMT

Ég nenni ekki að blogga! Ætla samt að gera það;)

Um verslunarmannahelgina fór ég á Snæfellsnesið með nokkrum krökkum. Ég vissi ekkert við hverju ég átti að búast en ég skemmti mér bara þrusu vel :) Við fórum í Singstar og spiluðum m.a. Fimbulfamb og Party og co. Drykkjuleikirnir voru einnig á sínum stað. Sumir fóru víst ekki að sofa fyrr en undir morgun aðfara"nótt" sunnudagsins. Ég komst að því að Ásdís er skíthrædd við kríur. Hún varð allt í einu eins og 5 ára gamall krakki þegar við fengum okkur göngutúr um svæðið.

Ég er búin að skella inn myndum frá Svíþjóð og frá Þórsmerkurferðinni. Ætli ég láti ekki myndirnar frá verslóhelginni inn bráðum.

Læt þetta gott heita í bili ;)

Ég er komin heim í heiðadalinn...

Fri, 21 Jul 2006 19:08:30 GMT

Þá er maður kominn á klakann! Ég verð að segja eins og er að mig langaði ekkert að koma heim. Það var svo gaman úti í Svíþjóð og mér leið svo vel þarna að mig langaði að vera lengur. En það er allt í lagi að koma heim. Ég veit ég á eftir að fara aftur til Stokkhólms og kannski vera þar í lengri tíma. Hver veit? :)

Eins og ég segi þá skemmti ég mér mjög vel úti. Kynntist skemmtilegu fólki og lærði margt og mikið. Ég var reyndar ekki mikið fyrir það að sitja inn og læra á kvöldin. Var meira úti og kynnast krökkunum og lífinu í Stokkhólmi. Síðustu þrjá dagana skoðaði ég borgina og verslaði. Ég tók ástfóstur við H&M og verslaði næstum öll fötin mín þar. Verslaði samt ekki mikið. Þessa daga fór ég m.a. á tvö söfn og var annað þeirra mjög skrýtið. Það bar heitið Moderna museet og var með alskonar listdóti, ef list má kalla. Allavega ef sumt af þessu var list, þá skil ég ekki list! Fór einnig í svona háan turn þar sem maður hefur gott útsýni yfir borgina. Það var æðislegt! Ég get ekki sagt að ég hafi fengið mikinn lit úti enda fór ég ofurvarlega í sólinni. Ég er auðvitað ofurhvít eftir veturinn og svo hef ég slæma reynslu af sólbruna. Dagarnir í gær og fyrradag hafa bætt úr brúnkuleysi mínu. Komin með slá slikju ;)

Ég er bara aldeilis sátt með veðrið hérna á klakanum síðustu þrjá daga :) Heyrði að fólk væri að bölva þessu veðri á meðan ég var úti. Það getur ekki kvartað núna.

Síðustu helgi skellti ég mér í Þórsmörk. Við fórum nokkur saman og þetta var svona „surprise“ ferð. Ásdís tvibbalingur er nefninlega að vinna þar og hún hafði ekki hugmynd um að við værum að koma. Ég hef ekki séð hana síðan í byrjun júní þannig að það voru aldeilis fagnaðarfundir þegar við hittumst :) Viðbrögðin hennar þegar hún sá mig, Tryggva og Boggu voru mögnuð. Henni brá, hún var skelkuð og undrandi, hrærð og glöð. Svipur sem ég gleymi aldrei :) Þetta var hin fínasta ferð og sem betur fer fengum við húsaskjól innandyra því það var mígandi rigning allan laugardaginn. Leiðin í Þórsmörk var aldeilis skemmtileg. Okkur var hent út á Hvolsvelli því einhverjir læknar og lið þurftu að komast sem fyrst út af Laugarvegshlaupinu. Við lentum í rútu með Njáluleiðsögn. Það var athyglisvert að því leyti að svo virtist sem konan hafi ekki lesið Njálu og enskan sem konan talaði var hrikaleg. Maður átti stundum erfitt með að skilja greyið konuna. En við lágum í krampa þegar hún sagði branadara sem var svo lélegur að það var skelfilegt. Vorkenndi ferðamönnunum sem voru í rútunni. Við þurftum svo að bíða í einhvern tíma eftir að önnur rúta kæmi að ferja okkur yfir ána. Það tók okkur sem sagt 5 tíma að komast þangað sem venjulega tekur 3 tíma.

Byrjaði að vinna síðasta föstudag. Verð að vinna út sumarið en ég á frí allar helgar sem er bara gott mál :) Vá....sumarið er að verða búið 8|

Ég er að vinna í því að koma myndum inn frá bæði Svíþjóð og Þórsmörk. Verður vonandi komið í vikunni ;)

Hafið það gott um helgina

Hej

Mon, 10 Jul 2006 09:31:02 GMT

Ákvad ad skrifa nokkrar línur :) Núna eru bara tveir dagar eftir af Svíthjódardvöl minni. Thetta er búid ad lída allt of hratt og ég eiginlega vil ekki fara heim strax. Madur er alltaf ad gera eitthvad og tekur ekki eftir thví hvad tímanum lídur. Ég á samt eftir ad gera svo margt. En ég á pottthétt eftir ad koma hingad aftur :)

Í dag aetla ég ad túristast. Aetla ad fara med svona skodunarferdarrútu um borgina og kíkja á nokkur söfn. Fara svo adeins ad versla. Aetladi reyndar í sólbad en thad er rigning úti. Thad á ad vera léttskýad á morgun, thannig ad ég sóla mig bara á morgun. Allir krakkarnir eru farnir. Álfdís fór í gaerkvöldi.

Lokahófid var á föstudaginn og thad var ótrúlega gaman. Vid bordudum uppi í skóla og thad var svo heitt vid sátum bara úti um kvöldid og höfdum thad gott. Svo um klukkan 1 fórum vid á Lappis beach, sem er ströndin hérna vid stúdentagardana. Vid syntum í sjónum og thad var fjör, eiginlega ekkert kalt. Ég uppskar svo slatta af mýbitum thetta kvöld.

Ad sjálfsögdu horfdi ég á leikinn í gaer. Eda seinni hálfleikinn réttara sagt. Ágaetur leikur. Skildi ekki samt hvad Zidane var ad spá ad skalla Ítalann.

Jaeja er thá farin. Sjáumst aftur á klakanum ;)